სემინარიის პირველი კურსის სტუდენტთა წარმატება
რუსულის როგორც უცხო ენის საერთაშორისო ოლიმპიადა – რუსეთის ფედერაციის ურალის მასწავლებელთა სახლის პროექტია. ეს დაწესებულება – რუსული ენისა და ლიტერატურის საერთაშორისო ასოციაციის წევრია. იგი ეკატერინბურგში მდებარეობს. ოლიმპიადას ხელმძღვანელობს ურალის ფედერალური უნივერსიტეტის რუსული ენის კათედა, ხოლო შედეგებს საერთაშორისო ჟიური აფასებს. წელს რუსულის როგორც უცხო ენის VI საერთაშორისო ოლიმპიადა ჩატარდა.
გელათის სასულიერო აკადემიისა და სემინარიის სტუდენტობამ აღნიშნულ ონლაინ ოლიმპიადაში პირველად მოსინჯა ძალები და საკმაოდ წარმატებითაც.
სემინარიის პირველი კურსის სტუდენტებმა ირაკლი კანდელაკმა, გიგა ბიბიჩაძემ, მათე ხვიჩიამ, გიორგი ხელაძემ, გიორგი გველესიანმა და ბესიკ ებრალიძემ რუსული ენის A1 დონის ტესტი წარმატებით დაძლიეს და პირველი ხარისხის დიპლომით დაჯილდოვდნენ.
ოლიმპიადის ორგანიზატორებიდან სამადლობელი წერილი მიიღო გელათის სასულიერო აკადემიისა და სემინარიის რუსული ენის პედაგოგმა, ფილოლოგიის მეცნიერებათა დოქტორმა ინგა კიკვიძემ.