პროფესორ-მასწავლებელთა სამეცნიერო კონფერენცია

9 ოქტომბერს გელათის სასულიერო აკადემიისა და სემინარიის საკონფერენციო დარბაზში გაიმართა პროფესორ-მასწავლებელთა სამეცნიერო კონფერენცია. კონფერენცია თემატურად მრავალფეროვანი იყო და მოიცავდა შემდეგ დისციპლინებს: ბიბლეისტიკა, ლიტურგიკა, პატრისტიკა, ეკლესიის ისტორია, საქართველოს ეკლესიის ისტორია, ენათმეცნიერება. მონაწილეთა მიერ წარმოდგენილი მოხსენებები დაიბეჭდება გელათის სასულიერო აკადემიისა და სემინარიის შრომების IV ტომში.

კონფერენციის პროგრამა

1. დიაკონი მიქაელ კვანტალიანი – „წირვაში წმინდა ოდიკის გაშლის ტიპიკონი“

2. გელა ტარიელაშვილი – „ზოგიერთი თავისებური ფორმისათვის ერთი გელათური ხელნაწერის მიხედვით“

3. ლევან ტყეშელაშვილი – „დავით აღმაშენებლის წმინდანად შერაცხვის საკითხი“

4. თამაზ დევიძე – „მარკოზის სახარების ათონური რედაქციის კესარიული იკითხვისები“

5. ირაკლი ლორთქიფანიძე – „ქუთათელ მიტროპოლიტ ანტონის ღვაწლი ავტოკეფალიის აღდგენის საქმეში (1917 წ.)“

6. დავით იობიძე – „ტრიადოლოგიური და ქრისტოლოგიური ტერმინები წმინდა მაქსიმე აღმსარებლის XIII პოლემიკური თხზულების („Οροι διαφοροι“ – „საზღვარნი თითოსახენი“) მიხედვით“

7. ნატალია ფარჯანაძე – „ტერმინ „ძლისპირის“ მნიშვნელობისთვის“

8. რომანოზ ფურცხვანიძე – „მონოთელიტური დავები და ამ ერესთან მებრძოლი მამები“