ლექტორ-მასწავლებელთა სამეცნიერო კონფერენცია

14 ივნისს გელათის სასულიერო აკადემიისა და სემინარიია წმინდა დავით აღმაშენებლის სახელობის საკონფერენციო დარბაზში გაიმართა ლექტორ-მასწავლებელთა მორიგი სამეცნიერო კონფერენცია.

კონფერენციის მუშაობა გახსნა გელათის სასულიერო აკადემიისა და სემინარიის რექტორმა, დეკანოზმა ირაკლი ახალაძემ.

კონფერენცის თემატიკა მრავალფეროვანი იყო და მოიცავდა: ბიბლეისტიკის, ლიტურგიკის, საქართველოს ისტორიის, ქართული ენათმეცნიერებისა და ჰიმნოგრაფიის დარგებს.

მოხსენებები წარმოადგინეს: გელათის სასულიერო აკადემიისა და სემინარიის პრორექტორმა მღვდელმა მიქაელ კვანტალიანმა, ისტორიის აკადემიურმა დოქტორმა პროფესორმა ლევან ტყეშელაშვილმა, ისტორიის აკადემიურმა დოქტორმა პროფესორმა ირაკლი ლორთქიფანიძემ, აკაკი გოლეთიანმა, გელა ტარიელაშვილმა და თამაზ დევიძემ.