აკადემიაში დისტანციური სწავლება ფეისბუკის მეშვეობით განხორციელდება

გაცნობებთ, რომ გელათის სასულიერო აკადემიასა და სემინარიაში დისტანციური სწავლება ფეისბუკის მეშვეობით განხორციელდება.

როგორც მოსალოდნელი იყო ფეისბუკი აკადემიის პროფესორ-მასწავლებელთა და სტუდენტთა შორის ყველაზე გავრცელებული სოციალური ქსელი აღმოჩნდა, რომლის მოხმარებაც არ საჭიროებს დამატებითი უნარ-ჩვევების შეძენას. ამასთანავე მობილური ტელეფონი ყველაზე გავრცელებული მოწყობილობაა.

აქედან გამომდინარე, მიმდინარე პირობებში, როდესაც მნიშვნელოვანია დისტანციური სწავლების სწრაფი ორგანიზება და მასში პროფესორ-მასწავლებელთა და სტუდენტთა მაქსიმალური ჩართულობა, გადაწყდა ამისათვის ფეისბუკის ქსელის გამოყენება.

გელათის აკადემიისა და სემინარიის ფეისბუკ გვერდზე, მესენჯერში, შეიქმნება კურსების შესაბამისი ჯგუფები რომლებშიც გაწევრიანებული იქნებიან სტუდენტები და ჯგუფთან დაკავშირებული პროფესორ-მასწავლებლები და დეკანატის წარმომადგენლები.

დამატებითი ინფორმაციისათვის ფეისბუკის მეშვეობით მიმართეთ

სასწავლო პროცესის მართვის სამსახურს.